Մատուցվող ծառայությունների տեսակները

1994 թ-ից սկսած՝ TeleTrade ընկերությունների խումբը մշակել է առավել հայտնի ծառայությունների ամբողջություն, որոնք թույլ են տալիս ստեղծել փոխշահավետ համագործակցություն և հաճախորդներին առաջարկում են արժույթներով և CFD պայմանագրերով առևտրի առավել հարմարավետ պայմաններ:

TeleTrade ընկերությունների խմբի կողմից մատուցվող ծառայությունների թվում են՝

  • Առևտուրը Forex շուկայում ինտերնետի միջոցով (ինտերնետ-թրեյդինգ)

    Ինտերնետի միջոցով առևտուր իրականացնելու հնարավորություն է տրվում վստահելի MetaTrader առևտրային հարթակի կիրառման դեպքում:

    • Ֆորեքս շուկայի հիմնական գործիքներըTeleTrade ընկերության հետ յուրաքանչյուր հաճախորդ հնարավորություն է ստանում մեծացնել սեփական եկամտաբերությունը՝ դրա համար օգտագործելով արժութային փոխարժեքների տարբերությունը: Forex արժութային շուկային հասանելիություն տալով՝ մեր ընկերությունը տրամադրում է հիանալի պայմաններ ֆինանսական գործիքներով առևտրի համար, որոնց դերում տվյալ պահին արժութային զույգերն են:

    • CFD*Ինտերնետ-թրեյդինգը ենթադրում է նաև Արժեթղթերի CFD-ով, ֆյուչերսներով և մետաղներով (որոնց թվին են պատկանում նաև ոսկին և արծաթը) առևտրի հնարավորություն:

      *CFD-ն արտադրական ֆինանսական գործիք է, որը օգնում է եկամուտ ստանալ՝ գործարք կնքելով հումքային բորսաների, նաև ֆոնդային միջոցների ակտիվների գների տարբերության վրա: Տվյալ դեպքում հիմնական ակտիվ է դառնում այն ակտիվը, որի արժեքի տարբերության վրա էլ կնքվում է պայմանագիրը: CFD-ն եկամուտ ստանալու հնարավորություն է տալիս հիմնական ակտիվի գնի ինչպես աճի, այնպես էլ նվազման դեպքում: Հենց այս հատկանիշն էլ CFD պայմանագրի ուժեղ կողմն է, որը ներդրողներին թույլ է տալիս մնալ դրական դաշտում նույնիսկ նվազող շուկայական տրենդերի ժամանակ:

  • Ֆինանսական շուկաներում առևտրի և գումար վաստակելու հարցերով խորհրդատվական ծառայություններ

    TeleTrade ընկերությունների խումբը իր հաճախորդներին մատուցում է որակյալ խորհրդատվական ծառայություններ, որոնք օգնում են լուծել արժույթով կամ CFD պայմանագրով առևտրի, ինչպես նաև միջոցների ներդրման խնդիրների հետ կապված հարցեր: Բոլոր հարցերը լուծվում են փորձառու թրեյդերների և ֆինանսական ոլորտի մասնագետների կողմից, ովքեր ցույց կտան գործարքների կնքման լավագույն ժամանակը և կօգնեն վերլուծել շուկան:

    TeleTrade-ի մասնագետները կօգնեն մշակել գործարքների կատարման յուրահատուկ ռազմավարություն, որը կաշխատի ձեզ համար և կդառնա ձեր հաջողության գրավականը: Ծառայությունը ներառում է՝

    • մարդու անհատական հատկանիշների ամբողջական վերլուծություն և նրա հոգեբանական դիմանկարի ձևավորում, ինչը թույլ է տալիս որոշակի հաճախորդի համար ընտրել կամ ստեղծել ֆինանսական շուկաներում վարքագծի օպտիմալ մարտավարություն,
    • հաճախորդի համար առավել հաջողակ առևտրային գործիքների վերլուծություն և ընտրություն,
    • անհատական առևտրային ռազմավարության ստեղծում՝ հաշվի առած անհատի մասին ստացված բոլոր տվյալները:
  • Միջոցների ներդրման և կառավարման վերաբերյալ խորհրդատվություն

    Այն հաճախորդները, ովքեր ցանկանում են իմանալ՝ ինչպես խնայել, ներդնել և բազմապատկել սեփական միջոցները, մանրակրկին խորհրդատվություն կստանան TeleTrade-ի մասնագետների կողմից: Տվյալ ծառայությունը հատկապես օգտակար կլինի նրանց համար, ովքեր ցանկանում են, որպեսզի գումարը եկամուտ բերի, բայց չեն ցանկանում ինքնուրույն առևտուր անել կամ դրա համար ժամանակ չունեն:

    Ծառայությունը ներառում է՝

    • լիարժեք և որակյալ խորհրդատվություն ներդրման տեսակների, միջոցների և ձևի, ինչպես նաև կապիտալի կառավարման ռազմավարությունների մասին,
    • ակտիվների կառավարման անհատական կանոնների մշակում, նաև ներդրման ծրագրի ստեղծում
    • արհեստավարժ թրեյդերների առևտրի իրականացման հաշվին եկամտի ստացման հարցերով խորհրդատվություն:

    Վերջին կետը նախատեսում է այնպիսի նախագծերում մասնակցության հնարավորություն, ինչպիսիք են «Թրեյդերների բորսա» և «Մաստեր-ինվեստը»: Ծրագրերը մշակվել են, որպեսզի առավելագույնս հեշտացնեն ոչ միայն ֆինանսական շուկաների արհեստավարժ և փորձառու թրեյդերների որոնումը, այլ նաև օգտագործեն նրանց գիտելիքները սեփական եկամուտը մեծացնելու համար:

    «Թրեյդերների բորսա» TeleTrade-ի գործընկերն է «Թրեյդերների բորսա» ԲԲԸ-ի նախագիծը:

    «Թրեյդերների բորսա» ԲԲԸ-ն մշակել է նախագիծ ներդրողների և թրեյդերների համար, որի նպատակն է թրեյդերների մասին բաց տեղեկատվության տեղադրումը (թրեյդերների բազա) և ներդրողներին ինքնուրույն ընտրելու հնարավորության ընձեռումը նրանց հետագա համագործակցության և փոխազդեցության նպատակով: Նախագծի շրջանակներում ձևավորվում է թրեյդերների ամենամեծ, ակտուալ ու թարմացվող բազան:

    Նախագիծը ներդրողներին տալիս է հետևյալ հնարավորությունները՝

    • տեղեկատվություն ստանալ արժույթներով կամ CFD պայմանագրերով աշխատելու փորձ ունեցող թրեյդերների վերաբերյալ:
    • ինքնուրույն ընտրել այնպիսի թրեյդեր, ով գործարքներ կիրականացնի ներդրողի հաշվի վրա նրա անունից և նրա գումարով:
    • թրեյդերի հետ անհատական պայմաններով համաձայնագիր կնքել:
    • Stop-Out մեխանիզմ կիրառել, որը հնարավորություն կտա սահմանափակել գումարի թույլատրելի նվազումը հաշվի վրա:
    • արժույթների և CFD-ի առևտրից եկամուտ ստանալ:

    «Մաստեր-ինվեստ» նախագիծը ստեղծվել է թրեյդեր-Ներդրողներին օգնելու համար, որպեսզի նրանք գտնեն համապատասխան թրեյդեր-Մաստերի, ով կունենա գիտելիքների անհրաժեշտ մակարդակ, փորձ և հաջողակ գործարքների քանակ: Հետագայում նախագծին մասնակցությունը դառնում է այն բանի երաշխիքը, որ Մաստերը կմեծացնի ձեր եկամտաբերությունը, քանի որ՝

    • նախագիծը թույլ է տալիս հետևել Մաստերի առևտրին և կրկնօրինակել առավել հաջողակ և եկամտաբեր գործարքները:
    • ձեր կողմից ստացվող եկամուտը հավասար կլինի Մաստերի գործարքներից ստացված եկամտին առևտրային գործարքների նույնանման կրկօրինակման հաշվին:
  • Թրեյդերների դպրոցը և Ֆորեքսում առևտրի ուսուցումը

    TeleTrade ընկերությունների խմբի ներքո գործում է ուսումնական կենտրոն, որը անընդհատ մշակում է Ֆորեքս շուկայում առևտրի արդյունավետ ուսուցման նորանոր ծրագրեր, նաև մեծացնում է հաճախորդների ֆինանսական գրագիտությունը՝ իրականացնելով կապիտալի ճիշտ կառավարման վերաբերյալ ուսումնական սեմինարներ: Ընկերության փորձառու մանկավարժները ունեն ոչ միայն տեսական դասավանդման, այլ նաև պրակտիկ գործունեության երկարամյա փորձ, որը նպաստում է Ֆորեքս-ուսուցման արդյունավետության բարձրացմանը:

    Ընկերության կարևոր առանձնահատկությունն այն է, որ մենք մշտապես մշակում ենք անհատական ծրագրեր յուրաքանչյուր հաճախորդի համար և հաշվի ենք առնում կրթական դասընթացի մասնակիցների ցանկությունները և մակարդակը:

    Յուրահատուկ ծրագրի նախապատրաստման ընթացքում հաշվի են առնվում՝

    • հաճախորդի գիտելիքների մակարդակը ֆինանսական շուկաների գործառնությանը վերաբերող հարցերում
    • դասընթացների անցկացման ցանկալի ժամանակը և աշխատանքային գրաֆիկը
    • հաճախորդի՝ ուսուցման տեսակին (հեռակա կամ ստացիոնար` ընկերության գրասենյակում) վերաբերող ցանկությունները:

    Բոլոր ծրագրերը անպայման հաշվի են առնում տեսությունը գործնական աշխատանքների հետ համադրելու անհրաժեշտությունը: Դրա համար էլ լսարանը հղկում է ձեռքբերված գիտելիքները փորձնական հաշիվների վրա, իսկ նրանք, ովքեր արդեն ունեն առևտրի փորձ, աշխատում են արհեստավարժների հետ իրական առևտրային հաշիվների վրա՝ ոչ միայն սովորելով, այլ նաև մեծացնելով սեփական եկամուտը: Թրեյդերի կրթական դասընթացն անցնելուց հետո հաճախորդները ստանում են Ֆորեքսում առևտուր անելու դասընթացի հաջող ավարտը հաստատող սերտիֆիկատ:

    Ուսուցման գործընթացը TeleTrade-ում կապված է հեղինակային սեմինարների կազմակերպման հետ, որոնց ժամանակ այցելուները կարող են իմանալ ֆինանսական շուկաների նորագույն տենդենցների մասին, ինչպես նաև ծանոթանալ տրենդի և օպերատիվ վերլուծության հետ:

  • Վերլուծական բնույթի ծառայությունները և տրենդերի կանխատեսումը

    TeleTrade - ի աշխատակիցների մեջ կան նաև առաջակարգ մասնագետներ տնտեսության և ֆինանսների ոլորտում: Նրանք բոլորն էլ իրենց ոլորտի փորձագետներ են և հաճախ հանդես են գալիս հեղինակավոր անձանց դերում՝ մեկնաբանելով տնտեսական իրադարձությունները Հայաստանի առաջատար ԶԼՄ-ների համար:

    Համաշխարհային ֆինանսական շուկաներում տեղի ունեցող բոլոր փոփոխությունները մանրամասնորեն վերլուծվում են և ամրագրվում մեր մասնագետների կողմից: Վերլուծության շուրջ նման մանրակրկիտ աշխատանքի շնորհիվ TeleTrade-ը ընդունակ է իր հաճախորդներին առաջարկել՝

    • նորությունների առավել ամբողջական և ակտուալ հավաքագրում, որոնք ազդեցություն են թողնում արժութային շուկաներում ուժերի տեղաբաշխման վրա:
    • վերլուծական դիտարկումներ, շուկայական տրենդերի կանխատեսումներ, որոնք թույլ են տալիս ձեզ ժամանակին բացել առևտրային գործարք կամ փակել այն:

    Մեր մասնագետների վերլուծական նյութերը հաճախորդներին են տրամադրվում ամեն օր: